QUATRESMA LEIÇON                                                                           Dimars (mardi)

 UN PAUC D'ISTÒRIA

Aier qu'era diluns ; auei, sem dimars.

Per me, quò sirá una jornada un pauc mai lonja que l'autra ;

mas la trobarai pas tant penosa.

Perqué quò ‘braca totjorn de començar la setmana.

Diluns l'i aviá un cors d'istòria que parlava dau passat de Lemosin.

Qu'es una chausa que ieu ne coneissiá pas tant bien daici aquí ;

segur qu'ilhs ne'n disian pen quite mot dins nòstres libres

de quand nos eram daus pitits mainatjons.

Urosadament que tot quò deviá chamnhar pauc per pauc ;

e quò me rapelava tot çò qu' aviá desjà legit de la granda istòria

d' Occitania : d'aquel atge que ne'n aviá tant de Trobadors sus quela

terra lemosina, que fasian de nòstre parlar ‘na linga plán coneguda.

Oblidarai jamai la vòrre conquesta de nòstre miegjorn

per los que venian dau nòrd e semnavan tant de malurs, ni totas

las repressions contra la revòlta daus paisans, daus Crocants e daus obriers.

E pense ben que qu'es per quò que aura es tant malaisat

de l'i viure, dins nòstre país.

Mas sabe plán que nos faudrá lutar, tots ensemble, las jòunas gents,

si lo volem sauvar e reviscolar.

                                                                :-:-:-:-:-:-:-:-:-:-

VOCABULARI :     penos, osa (pénible) ; ‘bracar (fatiguer) ;

                        chamnhar (changer) ; legir (lire) ;

                        conegut, uda (connu , -ue) ; oblidar (oublier) ;

                        vòrre , -a (laid, -e , horrible) ; semnar (semer) ;

                        reviscolar (redonner vie).

EXPRESSIONS : pen quite mot (aucun mot) ; quitament (nullement).

CHAVILHAS :    daici aquí (jusqu'ici) ; pauc per pauc (peu à peu) ;

                      pen, pena (pas un, pas une)

DEMONSTRATIUS :

                     (a) queste ser (ce soir) (a) questa setmana questes, -as

                     (a) quel atge (a) quela linga queus, quelas

CONJUGASONS :

                                             Imperfach de l'Indicatiu

Èsser (irrégulier)		Aver (dever ; coneisser régulier)
era (eriá)		aviá
eras (erias		avias
era (eriá)		aviá
eram (eriam)		aviam
eratz (eriatz)		aviatz
eran (erian		avian

 

Parlar (régulier)		Venir (régulier)
parlava		veniiá
parlavas		venias
parlava		veniá
parlavam		veniam
parlavatz		veniatz
parlavam		venian

REMARCA :

• disian, imperfach de dire ;

• fasian, imperfach de far .