SIEISESMA LEIÇON                                                                                  Dijuòus (jeudi)

TRABALHAR EN VILA

(Queste còp, laissem parlar lo Loís, lo pair dau Micheu) .

Vautres iò sabetz, trabalhe a la pòsta granda.

Mas demòre dins ‘na "H.L.M" a la periferia de la vila.

Tots los mandins, a set oras, prene lo "tròlei" per ‘nar trabalhar.

Cresetz-me si qu'eriá pas tant luenh, aimariá mielhs davalar d’a pè.

Qu'es quauqua ren tota quela circulacion dins las ruas e las avengudas !

Tots los jorns i a mai de veituras que peten e puden !

Las gents se permenen sus los trepadors e se planten davant las veirinas

de las boticas.

Veiquí, quela granda bastissa qu'es la pòsta, vau montar a mon bureu e

tornar trobar los collegas.

A miegjorn tornarai pas maison, ai pas pro de temps, demorarai per

minjar a la cantina.

Ai beucòp d'amics quí ; dins mon servici sem una bona esquipa .

Antan, aguerem mestier de far una granda greva per melhorar nòstras

condicions de trabalh, mas subretot quelas daus jòunes.

Quò fuguet pas aisat per nos far auvir ; los mossurs de Paris aguerem

dau mau per nos comprener.

I a quò ren de mai a far que d'esperar las decisions parisencas ?

                                               :-:-:-:-:-:-:-:-:-:-:-:-:-

 

VOCABULARI :    lo còp (le coup, la fois) ; cresetz (croyez) ;

                                prene (je prends) ; davalar (descendre) ;

                                l'avenguda (l'avenue) ; pudir (puer) ;

                                lo trepador (le trottoir) ; la veirina (la vitrine) ;

                                demorar (habiter) ; aisat (facile) ; auvir (entendre) ;

                                ren (rien) ; esperar (attendre).

 

EXPRESSIONS :   

                            d'a pè (à pied) ; quauqua ren (quelque chose) ;

                            antan (l'an passé) ; aver mestier (avoir besoin de) .

ACÒRD DE TOT :

                            tot lo monde tota la jornada

                            tots los òmes totas las femnas

ADVERBIS DE QUANTITAT :

 

                            bassetz: pas mal, ben : bien, gaire : guère,

                            força : très, mai : plus, mai que mai : surtout,

                            mens (mins) : moins, subretot : surtout,

                            pro : assez, tant : si, aussi, tan brave : si beau,  très beau.

CONJUGASONS :

Preterite de l'Indicatiu (passé simple)

Èsser (irrégulier)		Aver (irrégulier)
fuguei	siguei	aguei
fugueres	sigueres	agueres
fuguet	siguet	aguet
fugueram (-em)	sigueram (-em)	agueram (-em)
fugueratz (-etz)	sigueratz (-etz)	agueratz (-etz)
fugueren	sigueren	agueren

REMARCA :

                            tornar maison : revenir à la maison

                            tornar trobar : retrouver

                            tornar far : refaire etc...