A G Union Occitana Camila Chabaneu oct 2008 A sept 2009

RETOUR UNION OCCITANA

Bonjorn,
coma nos cherchem dau monde per venir nos aidar a far viure nòstra "paubra linga", nos vos envoiem lo compte-rendut de nòstra AG.
(Per aderar, qu'es 10 € per l'annada a venir !)


UNION OCCITANA

CAMILA CHABANEU

Lo Grand Lac

24300 JAVERLHAC

union.occitana@yahoo.fr


COMPTE-RENDUT DE L' ASSEMBLADA GENERALA

Camille Chabaneau dau 11 de decembre (annada sociala octòbre 2008-septembre 2009)

Presents : Bernadeta Restoin, Gineta Dumaine, Patric Ratineaud, Philippe Mousnier, J. Peire Reidi, Alain Millet, Odeta Marcillaud, J. Glaudi Puyraveau e Jaumeta Beauzetie.

Excusats : Marie Passerieux, Georges Colas, Enrieta Belly, Sergi Belly, Madò Mousnier, Jan Ganhaire.


ATELIER « Cors de linga Occitana » e Conferenças : Responsable : J. Pierre Reidi.

Los cors se fagueren a Lussac de octòbre a març, sia 18 sesilhas (30 oras) emb 'na « construccion pedagogica » que permetet au monde de bien progressar. Una dotzena de personas an profitat de quilhs cors gratuits.


Per tucar mai de monde, 'questa annada los cors se faran a partir de feurier, a Nontron. (Nos zò tornaram dire en janvier).

Un cors fuguet filmat per l'equipa de FR3 Bordeu (en occitan) que presentet tanben lo vilatge de Vilajalet (libre dau J. P. Reidi). La mesma equipa de FR3 filmet lo Marçau Belly, que parlet de la resistença ente eu participet activament en julhet 1944.
Conferença de M. Dugros sus las femnas cataras a la Sala de las Festas de Nontroneu, plan interessanta.
Participacion a la festa de Javerlhac (la Odeta, lo Patric e lo J. Peire)

Conferença sus la Linga d'Oc a  Dornasac (organisada per lo Parc)
Dictada occitana  a Senta Crotz de Maruelh (J. Peire)
Intervencion a la festa « des mots et des mets » a Mialet (la Odeta e lo J. Peire)

Lo J. Peire Reidi a metut sos cors de l'an passat sus Internet : www.jpreydy.canalblog.com (150 personas an consultat lo site pendent au moens 10 minutas !).


ATELIER « Organisacion « JORNADA DAU CHANT » Responsable : lo principau actor es lo Patric Ratineaud)...

Convencion sinhada emb los Gentes Goiats coma lo Parc.

Velhadas de repeticion aus Champs e a Charemnac, a la festa de Javerlhac, a la festa de la trufa de Sta-Crotz de Maruelh e la Prumiera Jornada a Pueg'Gut plan interessanta coma la participacion de diferentas coralas, chantadors... daus productors fermiers e de nombros articles dins la premsa... (la prumiera paja de Sud-Ouest !) Bona participacion...

La 2a Jornada se fara lo 24 d'abriu, un dissades a partir de 17 oras a St-Auvenç a la Maison de Païs (J. Gl. Ducourtieux). Una convencion sira sinhada coma lo Parc e los GG coma l'an passat.

Las velhadas per aprener las chançons chausidas son au programme: lo 22 janvier a Pueg'Gut, (los Gentes Goiats), lo 19 de feurier a Maisonais (J.Peire Meriguet) e lo 19 de març a Las Salas, (Michela Dupé)

Lo CD a estat enregistrat per lo Patric e las sòrs Nadal (Anne-Françoise e Suzela). A escotar sus : www.chanson-limousine.com e pòt estre copiat, a volontat ! Possibilitat de far d'autras velhadas de repeticion.


ATELIER « CONTES » Responsabla : Odeta Marcillaud

Animacions a Pensòu,

Maisons de retraitas (Nontron, St-Pardol...)

Participacion a la festa de Javerlhac

Visita dau Bòsc dau Leberon a Ajac emb las pinturas dau Piare Rapeau e los contes colectats per la Jaumeta.

Visita au Saut dau Chaslard de las pinturas dau Piare Rapeau e legenda d'Ajac per la Jaumeta.


ATELIER « LIMUS'OC » (Literatura e Musica Occitana) : Responsabla : Jaumeta Beauzetie


« L'Endurmida » (conte sus l'istòria de la linga occitana) fuguet presentada a la Festa daus Brodichons a St-Pardol de Maruelh en octòbre 2008 e en 2009 e lo 12 de decembre 2009 a la Festa de la Trufa a Maruelh.


Una novela version fuguet facha emb de las chançons, de las lecturas de poemas, de las nhòrlas.


A la fin de la « representacion » lo monde demoren per pausar de las questions, quò nos faguet vraiment plaser. En mai, lo J. Peire Reidi parlet daus apòrts pre-indò europeans e celtes a nòstra linga e lo Jan Ganhaire, present tanben, prenguet la paraula per dire tot çò que se fai dins la region Aquitania, dau biais daus elegits.


Nos faudria far de la publicitat per far virar 'quela novela version de l'Endurmida a las festas de paIs ò far de las velhadas. (espectacle de 1 ora ½). Nos damandaram un repas per lo paiament ! (nos som 6)


Lo Parc a editat una plaqueta de l'Endurmida, que nos balhem a la fin de l'animacion.

ATELIER « POESIA » : Responsable : a trobar !


Nos essaierem de far una velhada dins un cafe a Pueg-Gut, per veire, mas i avia un pauc tròp de bruch... 4 personas nos laisseren lur e-mèl per tornar un autre còp, dins un autre endrech...d'autres nos disserem que quò lur avia plagut e disseren qu'ilhs tornarian.

Faudria trobar d'autres endrechs (cafe)... mai adaptats ! (un còp per trimestre). Nos veiram coma la Janeta dau Molin de chas Pey a Auginhac.

L'atelier « Poesia » participet tanben a l'omatge a Piare Rapeau 'queste estiu a Ajac.


ATELIER « MEMORIA DAU BOES » Responsable : (a trobar)


Trabalh coma lo Parc sus la memòria dau boes... emb un grope de teatre « Parlar Negre »

Nos 'vam tucar 500 € e los GG, tanben. Lo Patric Ratineaud nos tornet dire que nos deviam trobar de las edeias per tucar quilhs sòus dau Parc. Nos faguerem remarcar que qu'era un plaser de trabalhar coma la Estefania Pouplier, persona plan agreabla, que fai un trabalh remirable per l'occitan e que nos aida beucòp.

Nos 'vam reflechir a daus projets serios per lo mes de janvier. (fotò, publicacions... expausicions...) La Jaumeta Beauzetie pensa far la sega de son libre « Gents de Mestier » per veire lo monde, trente ans apres e una expausicion de sas fotòs (negre e blanc) per far virar dins los vilatges. Lo Philippe Mousnier (lutier) vai veire de son costat...

La velhada daus Champs (Champs-Romain) fuguet plan apreciada.


NOVEU ATELIER : TOPONIMIA : Responsable : Jan Bernat Besse


M. Besse, aderent de nòstra associacion aimaria s'ocupar de quel atelier : micrò-toponimia.

Nos fau trobar una sala e dau monde interessat.

A perpaus de Toponimia, lo Patric Ratineaud pensa que lo Parc deuria veire coma lo Ives lavalada per qu'eu 'chabe lo trabalh qu'eu a fait sus lu territori dau Parc (tot lo biais Nauta-Viena es fait mai las comunas de Mialet, los Champs... ) per far un libre coma 'queu qu'eu ven de publiar : « Périgord Nord-Est, l'origine des noms de lieux ».


DAMANDA DE SUBVENCIONS :

Coma nos som 'na novela associacion, nos ne podem pas aver de dossier directament, nos devem rencontrar M. Hauptmann que s'ocupa de las subvencions. Lo RV es prengut per lo dimarts 15 de decembre).


CALENDRIER DE LAS ANIMACIONS PER LO PARC :

Nos fau far lo calendrier de nòstras animacions per lo Parc avant lo 15 de janvier.


Lo rapòrt d'activitat e lo rapòrt financier (presentat per lo Alain Millet) fugueren aprovats a l'unanimitat.